Mga tanyag na pag gamit sa “Biro lang”.

Katunayan, hindi ko alam kung paano ko sisimulan tong sulat na ito. dalawang porma ang naiisip ko at hindi ito ang una kong naisip, pero ituloy na natin. Siguro naman ay maari ko naman itong pagdugtungin o kung hindi man ay gumawa ng part 2.

ang pariralang (sana tama ako) “biro lang” ay lagi nating maririnig sa kahit saang panig ng kulturang pilipino/tagalog. ngunit ano ba talaga ang kahulugan nito? ito ba ay kung ano mismo ang ibig sabihin nito? o kaya naman ay panakip butas lang pag napansin mong hindi nagustuhan ng sinabihan mo ang sinabi mo?

Sa aking palagay, kadalasan, ang panghuli ang nagiging popular na pag gamit nito lalo na at ang taong sinabihan mo nito ay sadyang hindi mo lang kilala o kabisado at nasa “point of no return” ka na.

Kaya ngayon, tignan natin. ano ba talaga biro kung gayon? sa ingles ito ay “joke” biro, siguro naman ay alam niyo na kung ano ang ibig sabihin nun. Ang tanong, sino ba ang mga taong iyong sinasabihan ng mga biro? Sa tingin ko ito ay ang mga taong kumportable ka na at alam mo na kung anong linya ang iyong dapat hindi lagpasan.

Kaya, ano ang iyong gagawin kung ang isang taong laging seryoso sayo ay magsasabi sayo ng isang bagay, at pag nagbigay ka ng reaksyon na maaring naging negatibo sa kanya ay sasabihan ka na lang ng “itong si ano, bakit kaya ganoon, laging seryoso hindi na ma biro”? siyempre maguguluhan ka di ba? saka, kelangan ata sa biro may constant practice and use sa dalawang taong nag bibiruan para makabisado niyo ang bawat isa di ba?

Kaya naalala ko ang isang liriko sa kanta ng VST and Co.
“Ang isang biruan, ay parang lansangan, na pang dalawahan.” (siguro naman ay nakuha niyo na?)

Ganun ka-simple lang yun, para magkaroon ng isang “tunay” na biro na masaya sa dalawang tao, kelangan ay magkaroon muna sila ng mutwal na pagkakaunawaan sa isa’t isa. pag wala yun, hindi kayo magkakaintindihan. maaring hindi rin maganda ang kalabasan.

Ngayon, pano natin malalaman kung ang isang salita o pangungusap ay biro lang? o seryoso pero biro lang pala? o biro lang pero seryoso pala? kung hindi niyo naman kabisado ang isa’t isa? saan mo ibabase ito kung hindi naman talaga kayo nagkakaintindihan? siguro test the waters na lang at pag hindi na naging maganda ay gagawin na lang panakip butas na “biro lang?”

Ayan, umiikot na ang aking sinasabi, at dahil diyan. hudyat na ito para tapusin ang sulat na ito at bumalik sa aking pag tulog.

P.S.
So, sa hinaba haba ng pinagsasabi ko dito. nung binasa ko ulit, ang botomline lang ata ng sinabi ko ay “pano mo malalaman kung biro ito lalo na sa taong hindi naman normal na nagbibiro sayo?”